bókin um Alex Ferguson

Það er nú eiginlega ekki hægt annað en að deila þessu með ykkur ...

Maður kom inn í búðina mína sem heitir Oddurinn og er ritfanga og bókabúð. Hann spurði hvort ég ætti bókina "Og svo kom Ferguson". Heilabúið fór á flug við þessa spurningu, á meðan ég svaraði manninum því að hún væri ekki til og ég skyldi panta hana í snarheitum, hugsaði ég hvernig það hefði nú  farið fram hjá mér að bók um framkvæmdarstjóra Man utd væri gefin út fyrir þessi jól. Um kvöldið stakk ég mér til sunds í bókatíðindin og pantaði sem enginn væri morgundagurinn. Orðinn var við innkaupaþreytu, rak ég augun í bókatitilinn "Og svo kom Ferguson". Ekkert þurfti að skoða það neitt nánar og pantaði bara helvítis haug af þessu ritverki, sem væntanlega allir Man utd aðdáendur óskuðu sér í jólagjöf.

Bækurnar eru komnar í Oddinn og verða væntanlega á tilboði, þar sem þessi bók er um DRÁTTAVÉLAR sem heita Massi Fergusson eða eitthvað álíka gáfulegt. Eigendur beggja dráttavélanna sem hafa verið til hér í eyjum eru löngu látnir og voru þær vélar báðar af gerðinni Tudor.

Lifið heil og lesið ykkur til um þessar vélar um jólin  

er líf eftir þjóðhátíð

sú var tíð að maður hafði ekki mikla trú á byggð í vestmannaeyjum í ágúst mánuði þ.e. Eyjan okkar lagðist bara í dvala eftir þjóðhátíðina. en þetta er sem betur fer að breytast að einhverju leiti, það er aðeins meira líf í eyjum í dag í ágúst en hér áður fyrr þegar fólksflutningar voru einvörðungu frá Eyjum í dag sér maður túrista innlenda sem erlenda bara ánægða með lífið hér í okkar frábæru heimabyggð stöðvarnar eru hættar að mestu leiti þessum ágústlokunum en finnst mér skjóta skökku við að Vestmannaeyjabær skuli en halda í þessar Rússnesku hefðir að loka leikskólum á þessum tíma og reyna að skylda alla eyjamenn í frí á þessu guðsvolaða tímabili frá miðjum júlí fram að miðjum ágúst.

vitanlega er það nauðsynlegt fyrir börnin okkar að fá sitt sumarfrí eins og aðrir. En maður hlýtur að spyrja sig geta allir tekið sér frí á þessu tímabili, nei ekki aldeilis það er fullt af fólki sem þarf að taka sitt sumarfrí á öðrum tímabilum og fjölskylda sem er í sumarfríi í maí eða júní og tekur sér mánuð í að fara hringinn eða verslar sér utanlandsferð. og kemur svo heim og ætlar að vinna upp í kortareikningana, þarf að koma börnum á leikskólaaldri fyrir hjá dagmömmum eða ráða sér barnapíur af því að Marteinn Mosdal þarf að loka leikskólanum í okkar ríkis-sumarfríi með sparnaðarsjónarmið fyrir augum reikna ég með. ég ræddi þetta við mann sem ég hitti á förnum vegi sem þótti þetta hið besta mál því einhvern tíma þyrfti nú að laga, græja og gera á leikskólanum. allt í lagi græja og gera við erum að tala um glænýjan leikskóla en jú jú auðvitað er viðhaldsþörf á öllum eignum bæjarins en ég hef nú ekki vitað betur en þessum barnaheimilum hafi nú bara verið haldi við og græjað og gert á opnunartíma börnunum til mikillar ánægju. enda held ég að það sé bara hollt fyrir börnin að sjá menn að verki.

kannski er þetta bara röfl í mér þetta jú hefur alltaf verið svona, en það má alveg breytast.  

með þessum skrifum mínum er ég ekki að lasta einn né neinn og er svo sem ekkert mikið fyrir að vera að finna að verkum fólks, en ég vill gjarnan sjá en meira líf á Eyjunni grænu fögru eftir þjóðhátíð.

ÁFRAM VESTMANNAEYJAR   

   

á dauða mínum átti ég von

dauðinn hefur svolítið verið ofarlega í huga mér upp á síðkastið. ekki það að honum verður bara tekið þegar þar að kemur, enda verður maður frábær maður þegar dauðinn bankar á dyr. allt sem rangt var gert hverfur og allt sem jákvætt var verður haldið á lofti.

en með þessum skrifum mínum er ég ekki að gera lítið úr dauðanum þó svo að ég hræðist hann ekkert sérstaklega.

en dauðinn er jú áfangastaður, og líkt með öllu öðru í lífinu er það ferðalagið sem stendur upp úr en ekki áfangastaðurinn.

ef maður hugsar út í það hvað maður myndi gera ef læknir kæmi til manns með upplýsingar um að maður ætti þrjá mánuð eftir af lífinu, jú ég færi að huga betur að andlegum málum, hugsa vel um börnin mín og gera hluti sem mig hefur alltaf langað til að gera en geymt.

og nú hlýtur maður að spyrja sig ....þarf ég að standa á grafarbakkanum til þess að verða sá maður sem ég vill vera?   nei takk hér eftir ætla ég að lifa hvern dag eins og hann sé minn síðasti og ekki geyma neitt. leiðbeina börnum mínum jafn óðum, kveðja fólk alltaf eins og það sé í síðasta sinn og segja hvernig mér líður hvað mér finnst af hreinskilni.

því aðeins þannig get ég lifað og dáið með sjálfum mér

lifið heil en ekki afneita dauðanum heldur faðmið hann og horfist í augu við hann því hann kemur á endanum.

takk fyrir

     

það sem drepur okkur ekki styrkir okkur

já það er óhætt að segja að í dag leiki lífið við okkur eyjamenn. og þó ástand í vösum hafi einhvern tíma verið betra, finnur maður gleðina streyma niður Heiðaveginn og hreint um allar götur.

bjartsýni og kraftur eyjamanna kemur nú alveg á æðandi á móti manni.  uppbyggingin heldur áfram að fullu hvort sem talað er um á vegum bæjar, fyrirtækja eða einstaklinga.

já maður er nú eiginlega bara stoltur af því að tilheyra þessu samfélagi þar sem við höldum merki forfeðra okkar á lofti með vinnusemi, hörku, bjartsýni og ósérhlífni.

það sem drepur okkur ekki styrkir okkur, er setning sem mér finnst eins og hafi samin um eyjamenn  málið er nefnilega mjög einfalt þegar eitthvað bjátar á hjá fólki eru yfirleitt tvær leiðir í stöðunni að leggjast í þunglyndi yfir ástandinu eða hlægja að ástandinu hef nú oft verið gagnrýndur fyrir að taka vandamálum of létt, spurningar sem "hvaða kæruleysi er þetta drengur" hef ég heyrt stöku sinnum, svona lít ég á málið í þunglyndi gerir maður ekkert annað en að velta sér upp úr vandanum með það eitt að leiðarljósi að engin sé leiðin út en tekið er á vandamálum með léttleikan í fyrirrúmi er talsverð hætta á að maður sjá í gleði sinni einhverjar lausnir á vandamálum sínum.

en hvað veit ég svo sem

hafið gaman lífið er svo stutt 

 

   

 

Frábærir tímar fyrir fólk framundan

það er heiður að fá að upplifa þá skemmtilegu tíma sem eru á næstu grösum. þegar allt þetta efnislega dæmi sem við íslendingar erum búnir að vera svo uppteknir af hefur gert það að verkum að við höfum misst sjónar á því sem öllu máli skiptir í lífinu. svo nú þegar allt okkar ríkidæmi og bara allt verður gert upptækt af bankastofnunum sem skipta um kennitölur í gríð og erg eins og einhverjir sjoppu eigendur. þá situr eftir það eina sem skiptir máli og hvað getum við gert, jú að líta á það sem við höfum ekki gefið okkur nægan tíma í vegna vinnu og kaupalka afborgana.

og það er það verðmesta sem við eigum fjölskyldan okkar, makar, börn, systkin og foreldrar.

auðvitað er ömurlegt þegar fólk missir vinnu og hýbýli sín og ekki misskilja mig ég hef verið mjög reiður yfir þessu ástandi, en ég ætla ekki að vera það áfram, peningar eru ekki allt stendur skrifað. ég ætla að vera glaður alla daga. glaður yfir því sem er manni mest ást og umhyggju þakka fyrir heilbrigð börn og góða heilsu sem ég hefði ekki ef ég yrði reiður yfir þessu rugli öllu til lengdar. 

 Kannski er þetta það sem þurfti til að opna augu okkar fyrir því sem stendur okkur næst,  því segi ég það er hægt að taka af mér allar eignir en það sem verður ekki tekið er sú ást og hamingja sem framundan er með fjölskyldunni minni

áfram Vestmannaeyjar

lifið heil

Áramótabrennan og Ísland brennur

hvað það er gott að vera til sagði köngulóin við sardínuna sem var að koma úr þriggja vikna ferð frá kusadasi, kóngulóin sem hafði stritað á vöktum í þessar þrjár vikur og fjárfest í nýjum örbylgjuofni. var sem sagt í betri málum heldur en sardínan.

eða hvað erum við að vakna of seint þurfum við að fara á hausinn til að fara að hugsa út fyrir lífsgæða kapphlaupið mikla og fara að hugsa um það sem skiptir okkur mestu máli börnin okkar og andlega heilsu.

ekki misskilja ég er reiður yfir því hvernig sukkað hefur verið hér í landi að einhverjir og eiginlega allir sem eitthvað gátu gert til að sporna við þessum harmleik sem fór fram hér á landi, enduðu í sama ruglinu og hjálpuðu hvor öðrum að ryksuga allt það fé sem til var í landinu sem og peningum sem ekki voru til, og fela það í erlendum bönkum eins og hver annar glæpamaður og horfa svo á landið brenna með glott á vör.

ég hef tekið ákvörðun og hún er einföld ég kýs ekki fólk sem er ekki í framboði vegna hugsjóna sem snúast ekki um hagsmuni fólks í landinu ég sem sagt kýs ekki engin flokkur eða framboð hefur unnið að heillindum að mínu viti. 

vantraust hef ég í gegnum tíðina haft á íhaldspakkanum öllum og hef en, og hvað er að gerast jú viti menn samfylkingin er ekki skömm skárri í þessu rugli og þessu stjórnarandstöðudóti treysti ég ekki til að bera út dagblöð.

börnin okkar eiga þetta ekki skilið

nei ég kýs ekki, ég ætla að hugsa um mig og mína og hafa gaman að því 

góðar stundir    

 

kæra Þjóð hörfið eigi hlutir munu batna

Gamall fjandi vitur maður sagði eitt sinn, "allir geta eitthvað engin getur allt" þetta er náttúrulega bara setning, en ef maður skoðar setningu þessa segir hún allt sem segja þarf. það er þörf fyrir meira en bara mig eða þig í þessari veröld í þessu landi á þessari eyju á þessu heimili.

vöknun íslensku þjóðarinnar virðist koma öllum á óvart. menn sem ábyrgir eru skulu gera sér grein fyrir því að franska byltingin hófst ekki á því að einhver kastaði matarkexi sem búið var að dýfa í kaffi í ráðherra. nei nei pöpull Frakklands fékk nóg og gerði kröfu um að fá að lifa. menn grenja hér stöðugt um það hvernig við sauðsvartur almúginn hagar okkur, hendandi matvælum í þinghúsið okkar á krepputímum.

ég bið valdamenn þessarar fyrrverandi þjóðar afsökunar á að ég hafi skellihlegið þegar ég var vitni af því glæpsamlega atviki að bónusfáni var dreginn að húni á þinghúsi voru. afsökunarbeiðni mín ætti náttúruleg ekki að byggjast á kaldhæðni en svona er lífið.

þið megið þakka fyrir að ekki ríki hér borgarastyrjöld, þar sem fólkið sem ykkur kaus er ekki bara að missa vinnuna sína heldur hús og hýbýli. auðvitað er rosa þægilegt að segja að öll þjóðin hafi verið á lánafylleríi en hver stýrir landinu og hver eru takmörkin fyrir lánaheimildum sem undirsátur seðlabanka ættu að hafa. en ég segi aftur á meðan þinghús okkar íslendinga stendur ekki í björtu báli megið þið vera þakklátir. og hvort segir það meira um æstan múginn eða þá háu herra sem hér stjórna að alþingi sé ekki en brunnið til kaldra kola.  

lifið heil

skyndi-sýndarveruleikarusl

Þetta skyndibitafjör hér í höfuðstað Íslands er alveg frábær sálfræði, máltíð á 970.krónur bættu 60 krónum við og stækkaðu máltíðna (passa að auglýst verð fari ekki yfir 1000 krónur), að tveimur slíkum máltíðum loknum er maður en ekki alveg búinn og verslar einhverja óhollustu í eftirrétt, ekki að ég ætli að reyna að halda því fram að skyndi-sýndarveruleikaruslið sé eitthvað hollt nei þvert á móti.

en þegar maður er búinn að versla sér mat fyrir 2060 og eitthvað í eftirrétt fyrir 300 er maður kominn í mat fyrir 2360 krónur sem er ekki einu sinni góður. þá segi ég nú bara í ruslið með ruslið og fer nú bara á veitingastaði þar sem maður fær sig saddan fyrir jafn mikinn ef ekki minni pening,

og jafnvel bara góðan mat.

Góðar stundir

kynhneigð í hættu á hitaveitusvæðinu

Mikið er gott að koma heim og hitta fjölskyldu sína og sjálfan sig.

ég var svo djúpt sokkinn í borg óttans, að eitt laugardagskvöld er ég nennti ekki að gera neitt, ákvað að sitja heima og láta mér líða vel. setti kósý lýsingu í vistarveru mína og fór að fletta hvað ég ætti eftir að horfa á, jú eitthvað var til sem óséð var þó fátt, fékk mér smá hvítvín,  

greip ég svo sjálfan mig við að ég var farinn að dilla mér og raula með myndinni Mamma mía vafinn í teppi með hvítvínsglas í hægri og símann í vinstri, stoppaði skyndilega og velti fyrir mér hvort að kynhneigð mín væri ekki alveg á hreinu, jú allt í lagi hér ekkert blóð af stað þegar ég hugsaði um Pál Óskar, kláraði myndina með dillum og söng,

og nú syngur maður " i am what i am"  hetro alla leið kallinn 

 

maður mælir með börnum

jæja börnin komin og farin.

fékk drengina til mín um helgina bara fjör og læti.

Ólafur fór heim til mömmu sinnar á sunnudag með ömmu sinni og afa,

en nafni minn Kristleifur varð eftir og fórum við í kolaportið  í Bíó og í Keilu og  kom Þura Stína með okkur mikil spenna og læti í Bowling, pool og tölvuspilum Kristleifur gaf mikið af sér um nóttina með einhverri ælupest en fór heim í dag

takk fyrir frábæra helgi góðu börn

Kristjana mín það vantaði þig í hópinn og þú lofar að koma með næst